49 Aramaʉ̃ kĩrãkꞌa berabꞌariya ewari nʉmʉta jõbʉrʉdꞌera. Ángelerã jʉ̃drʉkuape biarã ẽãta ãĩ bꞌʉdꞌaya biarã maẽba.
Zhi juraba chirua kꞌazhiruata podꞌara ãtõmiãta maʉ̃ã. Ne bꞌʉaira ewari nʉmʉ jõĩta maʉ̃ã, zhi ne bꞌʉadꞌaira ángelerãta maʉ̃ã.
Chirua kꞌazhiruata ẽũkuadꞌape tebʉdꞌe babuebada kĩrãkꞌa berabꞌariya ewari nʉmʉta jõbʉrʉdꞌera.
Birai doyaa erbꞌaribada, mobe jewedꞌa duanepe bigata ẽne jʉrepebada, biga ẽãrã ãĩ bꞌaribuebada.
Mobebʉrʉ mʉãrã ángelerã mʉrẽrãta zokꞌaya trompeta jĩgua zadꞌamarẽã, aramaʉ̃ne ãba jʉredꞌaya mʉã zhi jʉrʉmata baridu maẽ bꞌeta wawara bꞌeta.
