55 Mawũẽ wãẽbasidꞌa maʉ̃ drua jõmaʉ̃nebemata, baridu maẽba wesidꞌa kꞌaya bꞌeta jirabꞌadꞌe, izhi sãma bꞌʉta ũrĩbʉda maẽ.
Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.
Jãbadꞌeba ãzhi udꞌubꞌaebʉdadꞌera zhãrãbara Jesúta ũdukꞌawasidꞌa.
Izhi wãbʉrʉ maẽrã pʉwʉrʉ zakedꞌe o pʉwʉrʉ zromanebidꞌa, meã bꞌe maẽbidꞌa odꞌe bꞌʉkua jirpanesia kꞌaya bꞌeta, mawũẽ zuburia bedꞌeasidꞌa arigu idu tõbaribimarẽã izhi wua ita. Jõma zhi tõbꞌaribʉdara bꞌe tupudꞌeasia.
Zhãrãbara kꞌayarã odꞌe bꞌʉkua jirpanesia barkuadꞌe, jueporodꞌe, aramaʉ̃ne Pedro berabꞌaribʉrʉdꞌe arigu zhi jawureba warabʉrʉba bꞌemarẽã ãzhi iabꞌaʉdꞌebemata.
