10 Kꞌawuaudua, mʉ Beubari Bape bꞌʉbara naʉ̃ druadꞌera zareata erubꞌʉa kꞌazhiruata biodꞌebara zhãrã bedꞌea ne ẽã bꞌʉita. Mobebʉrʉ kꞌakua pira ẽã kꞌaya bꞌʉa mawũãsia:
Cesarea Filipo druaedꞌa Jesús zebʉrʉdꞌera, izha jʉrʉkuadꞌaa widꞌi mawũãsia: ¿Zhãrãbara kꞌaita jara panʉ mʉ Beubari Bape bꞌʉra?
Mʉã bʉaa jaraya: Piradrʉrua, bʉzhi jirabꞌa jiraedarua, mobe dedꞌaa wãrũã.
¿Kꞌãrẽta audre borekea jaraidꞌe bꞌʉ kꞌakua pira ẽã kꞌaya bꞌʉaara: Kꞌazhiruata biodꞌebara bedꞌea ne ẽã bꞌidꞌapʉa aita, o piradrʉpe bʉzhi jirabꞌa jiraedape nimibarua aita?
Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.
