Marcos 14:45 - Porciones del Nuevo Testamento

⁴⁵ Aramaʉ̃ne zepe Jesús orrape mawũãsia: Miã Ũrãgꞌabari. Mobe kĩrãma nigasia.

Marcos 14:45 교차 참조

Marcos 12:14

Mawũẽ maʉ̃rã zekuape mawũãsidꞌa: Miã Ũrãgꞌabari, daiba kꞌawua bꞌedꞌera bʉara jara bꞌʉa wãrãta, bʉra krĩcha zhãrãneã zhi edebi ẽã bʉara akʉ ẽbaera zhãrãnebemata. Awuarabʉrʉ wãrĩnuta jara bꞌʉa Daizeze ota. ¿Diasia bꞌʉka rey César plata diabadara, o dia bꞌe ẽ? ¿Diadꞌaidꞌe bꞌʉka o diadꞌaidꞌe bꞌʉ ẽ?

Marcos 14:44

Judabara sãwũã chãbꞌariita jaradꞌata mawũãsia: Mʉã kĩrãma nigabʉrʉta maʉ̃ta izhia, maʉ̃ta jidaudua, mobe bia jʉ̃ edeudua.

Marcos 14:46

Aramaʉ̃ne Jesús jidasidꞌa.

Lucas 6:46

¿Mʉrã kꞌãrẽã Nokꞌó abada mʉã jara bꞌʉra odꞌa ẽãta?

Juan 20:16

Mawũãĩ Jesúsbara mawũãsia: ¡María! Mawũãĩ pʉrʉwape izhara mawũãsia: ¡Raboni! Maʉ̃bara jara krĩña bꞌʉa Miã Ũrãgꞌabarita.

Juan 4:31

Maʉ̃ẽna izha jʉrʉkuadꞌabara ibiadꞌe jara mawũãsidꞌa: Miã Ũrãgꞌabari, nekꞌorua.