Marcos 11:23 - Porciones del Nuevo Testamento

²³ Mʉã wãrĩnu marãã jaraya, bariduba kꞌatuma za nʉmʉã jarabʉrʉta: Ãĩ wãrũã, pusadꞌe doidꞌu wãrũã abʉrʉta, izhi soma bꞌe ẽãne kꞌobꞌʉ ẽbʉrʉ, awuarabʉrʉ soidꞌu kꞌobꞌʉba izha jara kꞌobꞌʉra aribꞌae nʉmaẽdaidꞌe kꞌobꞌʉra, izha jarabʉrʉra aribꞌae nʉmaẽdaya.

Marcos 11:23 교차 참조

Mateo 14:13

Jesúsbara maʉ̃ta ũrĩpe mamaʉ̃bara dobꞌa jãbadꞌe wãsia miõ ne ẽãĩnu, zhãrãbara maʉ̃ta kꞌawuadꞌape kꞌaidꞌu jẽde wãsidꞌa pʉwʉrʉ tabꞌe maẽba.

Mateo 17:20

Mawũãnaĩ Jesúsbara mawũãsia: Bꞌedꞌa ẽbasia marã soidꞌu kꞌobꞌaita wãẽã bꞌeba. Mʉã wãrĩnu marãã jaraya, mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ kꞌatuma za nʉmʉã mawũã bꞌedꞌaya: Namaʉ̃bara zawa kꞌobꞌadꞌe wãrũã, mawũãnaĩ kꞌobꞌadꞌe wãña. Aramaʉ̃ne marãĩtara kꞌãrẽ obꞌe ẽãrã ne ẽbaya.

Mateo 21:21

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãta soidꞌu bꞌebʉrʉ, marãma kꞌãrẽta bꞌe ẽãne duanu ẽbʉrʉ bari kꞌãwũã bakuru higuera kĩrãkꞌa odꞌa ẽã, awuarabʉrʉ kꞌatuma za nʉmʉã jarabʉdata: Ãĩ wãrũã, pusadꞌe doidꞌu wãrũã abʉdadꞌera aribꞌae nʉmaẽdaya.

Lucas 17:6

Mawũãnaĩ Nokꞌo Jesúsbara mawũãsia: Mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ bakuru za nʉmʉã mawũã bꞌedꞌaya: Ẽtotodua, mobe pusadꞌe nʉmane wãrũã, mawũãnaĩ marã bedꞌeara aribꞌaeya.

Juan 14:13

Jõma kꞌãrẽ mʉ Zezea widꞌibʉdata mʉneba widꞌibʉdara mʉã aribꞌaeya, aramaʉ̃ne mʉ Zezeta zhi zromata ũdukꞌawadꞌamarẽã mʉ zhi Warradꞌeba.

Juan 15:7

Mʉ ũme bꞌebʉrʉ, mʉ bedꞌeata aribꞌae bꞌebʉrʉ widꞌiudua jõma mazha krĩñata, mʉã marãã diaya.