41 Zhi diezba maʉ̃ta ũrĩnaĩ kĩrũsidꞌa Jacoboa Juanʉã.
Zhi diezba maʉ̃ta ũrĩnaĩ kĩrũsidꞌa mebẽrãta ũme panʉã.
Mawũẽ Jesúsbara trʉ̃kuape mawũãsia: Marãbara kꞌawua bꞌea naʉ̃ ẽjũãne nokꞌota bꞌebara zhãrã ãzhi edre erunʉmeã, zhi zromata bꞌera aramaʉ̃ne zhãrã ʉ̃rʉ̃ zarea nʉmeã.
Ãzhirãĩnu bedꞌeasidꞌa ãzhirãnebema kꞌaita zhi zroma kꞌawuaita.
Maʉ̃ne Jesúsbara mawũãsia: Naʉ̃ ẽjũãne reyrãta bꞌebara zhãrã ãzhi edre erunʉmeã, mawũã zhãrã ʉ̃rʉ̃ nʉmerã jarabada biata obadata.
Mebẽrãne zhi kʉãgꞌa bꞌeaudua. Zhiya zhi wawiaitrʉ bꞌeaudua.
