35 Daujawedꞌa wadꞌi pãrĩgua kꞌobꞌʉdꞌe Jesús piradrʉpe miõ ne ẽã maẽ wãpe mama zhiwidꞌisia.
Jesúsbara maʉ̃ta ũrĩpe mamaʉ̃bara dobꞌa jãbadꞌe wãsia miõ ne ẽãĩnu, zhãrãbara maʉ̃ta kꞌawuadꞌape kꞌaidꞌu jẽde wãsidꞌa pʉwʉrʉ tabꞌe maẽba.
Kꞌabanata kꞌobꞌea mawũã wãta jara tebape kꞌatumaĩnu wãrĩzesia dobꞌa zhiwidꞌiita, diamase nʉmebʉrʉdꞌera mama bꞌasia dobꞌa.
Simónbara jʉrʉsia izhi bawara bꞌe bawarauba.
Mawũãmina izhira miõ ne ẽã maẽ wã bazhia zhiwidꞌiita.
Jari ewadera Jesús wãsia kꞌatumaĩnu zhiwidꞌidꞌe, maʉ̃nerã zhiwidꞌi ʉ̃nadrʉsia Daizezea.
Maʉ̃ne Jesúsbara mawũãsia: Mʉ zhikora mʉãrã mʉ zokꞌadꞌaba krĩñata oibara, aramaʉ̃ne izha kꞌãrẽ obi nʉmʉkꞌãrĩta jõbiibara.
Maʉ̃nerã Jesúsbara kꞌawuasia izhira zareadꞌe edeita kꞌopanʉta rey babidꞌaita, mawũẽ wakusa kꞌatumaẽna wãsia izhi dobꞌa.
