16 Mawũãmina izhira miõ ne ẽã maẽ wã bazhia zhiwidꞌiita.
Kꞌabanata kꞌobꞌea mawũã wãta jara tebape kꞌatumaĩnu wãrĩzesia dobꞌa zhiwidꞌiita, diamase nʉmebʉrʉdꞌera mama bꞌasia dobꞌa.
Mawũã wãta jarakꞌa tebape kꞌatumaĩnu wãsia zhiwidꞌidꞌe.
Juanba zhãrã jõma buru kꞌoekua nʉmʉnerã Jesúsidꞌa buru kꞌoesia. Maʉ̃ne zhiwidꞌi kꞌobꞌʉdꞌe bãjã ewasia.
Jari ewadera Jesús wãsia kꞌatumaĩnu zhiwidꞌidꞌe, maʉ̃nerã zhiwidꞌi ʉ̃nadrʉsia Daizezea.
Maʉ̃ta jaradꞌa tẽã ewari ocho babʉrʉdꞌe Jesúsbara jʉre edesia Pedrota, Juanta, Jacobota, aramaʉ̃ne kꞌatumaĩnu wãrĩzesia zhiwidꞌidꞌe.
Zhiwidꞌi nʉmʉne kĩrã awuarasia, izhi wuara totroa ʉ̃nasia.
Maʉ̃nerã Jesúsbara kꞌawuasia izhira zareadꞌe edeita kꞌopanʉta rey babidꞌaita, mawũẽ wakusa kꞌatumaẽna wãsia izhi dobꞌa.
