Lucas 4:36 - Porciones del Nuevo Testamento

³⁶ Mawũẽ jõmaʉ̃ba bia akʉdrua ãzhirãĩnu mawũãsidꞌa: ¿Naʉ̃ bedꞌeara kꞌãrẽ zhi zromape? Jaira zarea bara jʉrekua bꞌʉba ãĩ wã nʉmeã.

Lucas 4:36 교차 참조

Mateo 9:33

Jesúsba jaita ãĩ jʉretabʉrʉdꞌera bedꞌea bꞌe ẽã bꞌadꞌara bedꞌeasia. Mawũẽ zhãrãbara bia akʉdrua mawũãsidꞌa: Kꞌãwũãrã ũdudꞌakꞌa Israeldꞌera.

Marcos 1:27

Mawũẽ jõma perabʉdaba ãzhirãĩnu mawũãsidꞌa: ¿Naʉ̃ kꞌãrẽ zhi zromape? ¿Naʉ̃ ũrãgꞌara zhiwidꞌita kꞌãrẽ zhi zromape? Jaira zarea bara jʉrekua bꞌʉba izhi bedꞌeara aribꞌae panʉã.

Marcos 7:37

Mawũẽ kꞌãbãẽã sobia mawũã bazhidꞌa: Ne jõma bia obꞌʉa. Ne ũrĩ ẽã bꞌeta ne ũrĩbi bꞌʉa, bedꞌea bꞌe ẽã bꞌeta bedꞌeabi bꞌʉa.

Lucas 2:18

Jõma zhi ũrĩbʉdabara bia akʉdruasidꞌa oveja akʉbadaba maʉ̃ta jarabʉdadꞌera.

Lucas 4:32

Maʉ̃nerã izhi miã ũrãgꞌabʉrʉdꞌera bia akʉdrua bꞌeasia izhira zarea bara bedꞌea bꞌʉba.