29 Mawũẽ piradrʉdꞌape pʉwʉrʉdꞌebara Jesús ãĩ jʉretabʉdata edesidꞌa kꞌatuma ãmiãĩnu, maʉ̃ kꞌatumane tabꞌasia ãzhi pʉwʉrʉra, mawũã edesidꞌa mamaʉ̃ba bʉretadꞌaita.
Maʉ̃ta ũrĩbʉdadꞌera de zhi jʉrebada maẽ kꞌobꞌera jõma kꞌãbãẽã kĩrũsidꞌa.
Mʉãrã kꞌawua bꞌʉa marã Abrahamneba uruta, mawũãmina marãbara mʉrã bea krĩña bꞌea, mʉ bedꞌeara ĩjãna ẽãba marãbara.
Mawũãmina marãbara mʉrã bea krĩña bꞌea, maʉ̃ne mʉãrã wãrãta jarakꞌa bꞌʉa Daizezedꞌeba ũrĩnata. Marã kĩrãkꞌa maʉ̃ kꞌaudꞌa bꞌa ẽbasia Abraham.
Mawũãĩ mongꞌarata jirakua edasidꞌa tabꞌari beadꞌaita, mawũãmina Jesús merũpe ãĩ wãsia Daizeze dedꞌa ewara maẽbara. Aramaʉ̃ne ãzhi ẽsadra berabꞌari wãsia.
