2 Maʉ̃nerã mongꞌara ãña ʉratʉ kꞌobꞌʉta ũdusidꞌa peña zobꞌeata tapa kꞌobꞌadꞌata.
Maʉ̃ne ẽjũãta abꞌaedꞌa uresia, aramaʉ̃ne ángel Daizezedꞌeta ʉ̃treba zepe peña zobꞌea tapa kꞌobꞌʉta mongꞌara ãĩ kꞌobꞌʉpe ʉ̃rʉ̃ jewedꞌasia.
Semana ewarita nabemata domingodꞌe diapedꞌa Jesús wuagꞌadꞌapeadꞌaidꞌu zebʉdata, wũẽrãrãbara wesidꞌa beuwãrã chiratʉdꞌaita ãzha kera odꞌapeadꞌata. Wũẽrãrã awʉrʉrãsidꞌa zesidꞌa ãzhi bawara.
Mawũẽ edꞌa wãbʉdadꞌera ũdudꞌa ẽbasia Nokꞌo Jesús kꞌakuara.
Jesús wakusa kꞌãbãẽã sopua zesia Lázaro wuagꞌadꞌapeadꞌa maẽ. Mama zobꞌeata nʉmʉta mongꞌara zromaba tapa nʉmasia.
Mobebʉrʉ beudꞌata bꞌʉdꞌapeadꞌa maẽbara mongꞌara ãĩ edasidꞌa. Mawũẽ Jesúsbara ʉ̃taa akʉ mawũãsia: Zeze, mʉã bʉaa zhibia jiya mʉã widꞌidꞌara bʉa ũrĩbʉrʉba.
