38 Mawũãĩ ãzhara mawũãsidꞌa: Nokꞌó, kucho ũme za bꞌʉa. Mawũãnaĩ izhara mawũãsia: Kꞌãʉ̃ba.
Maʉ̃ne Jesús bawara kꞌopanʉba abꞌaʉba kuchota ẽpe tusia sacerdote wagꞌau nezokꞌata, mawũẽ ʉrawesia kʉwʉrʉta.
Mawũãnaĩ mawũãsia: Idꞌira zũbi erubꞌʉbara ataurua, wũãbisidꞌa ataurua, kucho ne ẽã bꞌʉbara bʉzhi wuata nendope edarua abꞌa.
Izha jʉrʉkuadꞌata izhi bawara kꞌobꞌebara sãwũã berabꞌariita kꞌawuadꞌape mawũãsidꞌa: Nokꞌó, ¿tudꞌaika kuchoba?
Mawũãĩ Jesúsbara panaʉ̃ mawũãsia: Mʉrã naʉ̃ ẽjũãne Reyta bꞌaidꞌebema ẽã. Mʉta naʉ̃ ẽjũãne Reyta bꞌaidꞌebemabʉrʉ mʉta aribꞌae bꞌera zhõkꞌausidꞌa mʉta chãbꞌaridꞌa ẽbamarẽã judíorãã. Mawũãmina mʉrã nama Reyta bꞌaidꞌebema ẽã.
