20 Mawũẽ zhãrãta zokꞌasidꞌa Jesúa biarã kĩrãkꞌa bedꞌeadꞌamarẽã, aramaʉ̃ne wãẽã bedꞌeabidꞌape chãbꞌaridꞌaita nokꞌo Roma bidꞌata bꞌʉa.
Mawũẽ juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.
Maʉ̃nerã kĩrãkuitasidꞌa ẽnaʉ̃bada ewade bꞌebii kꞌawuaita, aramaʉ̃ne jidꞌaita.
Aramaʉ̃ne wãẽãbidꞌape izhi bedꞌeadꞌeba jidꞌaita.
Mawũẽ maʉ̃rãbara widꞌi mawũãsidꞌa: Miã Ũrãgꞌabari, daiba kꞌawua bꞌedꞌera bʉa jara bꞌʉra bʉ ũrãgꞌara jipa bꞌʉa, bʉara miõta awuara eda ẽã, awuarabʉrʉ Daizeze ota jara bꞌʉa wãrãne.
Aramaʉ̃ne wãẽã bedꞌeabi bꞌedꞌa ẽbasia zhãrã daidꞌura, awuarabʉrʉ akʉdruape bia panaʉ̃bʉrʉba chupeasidꞌa.
