8 Maʉ̃ne Zaqueo ʉ̃ta nʉmepe Nokꞌo Jesúa mawũãsia: Nokꞌó, mʉã ne erubꞌʉta ẽsadra diaya zuburia kedꞌea, mʉã ne iabꞌaʉdꞌeta zrʉgasibʉrʉ jẽrũya diaya kĩmarẽ.
Zuburia bꞌea diaudua mazha ne erubꞌedꞌebemata, mobedꞌeba marã jipadꞌe mitia ne ẽã bꞌeaya.
Mazha ne erubꞌera nendodꞌape zuburia bꞌea diaudua. Mawũãrã zũbi soreakꞌadꞌe ne biata ʉ̃tre tʉdꞌaya jõkꞌata. Maĩnurã nezrʉgamiã jũẽ ẽã, miã zhi muĩba ãrĩ ẽã.
Mʉã marãã jaraya: Marãbidꞌa zhãrã marã bawara zhibiarãta oudua mazha ne erubꞌeba, plata erubꞌeba, mawũãrã maʉ̃ jõbʉrʉdꞌera bꞌaribidꞌaya Daizeze ũme bꞌai jõ ẽã maẽ.
Maʉ̃ta ũdudꞌape jõmaʉ̃ba bĩ ẽã jarasidꞌa, ʉ̃nadrʉita deidꞌu wãsi baera kꞌazhirua omiã maẽ.
Nokꞌo Jesúsba ũdui sozuburiape mawũãsia: Jẽgarãrũã.
Mobe Jesúsma zokꞌakuasia widꞌi mawũãnamarẽã: ¿Bʉka zhãrã Ẽdrʉbiita zeita bꞌadꞌara, o daibara wadꞌi awʉrʉta jʉ̃ãnaĩ?
