22 Mawũãĩ reybara mawũãsia: Bʉra nezokꞌa biata bꞌʉ ẽã, ari bʉzhi bedꞌeadꞌeba mʉã jaraya bʉra wãẽãbʉrʉa. Mobera bʉara kꞌawua bꞌasia mʉrã zhãrã zarea zokꞌabarita, aramaʉ̃ne zhãrã trajadꞌadꞌeba plata jida wãta.
Aramaʉ̃nerã bʉra bʉzhi bedꞌeadꞌeba bedꞌea ne ẽã bꞌʉya, o bʉzhi bedꞌeadꞌeba bedꞌea bara bꞌʉya.
Mawũẽ mawũãsia: ¿Bʉra sãwũã nama edꞌa zesi zhãrã juwua jida nʉmʉne jʉ̃bibadaba zho bꞌʉ ẽãrã? Mawũãĩ izhira chupea kꞌobꞌasia.
Mʉrã bʉ kꞌarea perasia, bʉara plata jidaita zhãrã zarea zokꞌa bꞌʉa, aramaʉ̃ne bʉra zhãrã trajadꞌadꞌeba plata jida wã.
¿Mawũãta kꞌãrẽã mʉ platara edꞌa bꞌʉ ẽbasi bancodꞌe? Mawũãrã mʉ jẽrũya zebʉrʉdꞌera jidakꞌausia bancodꞌeba ganabʉrʉta.
Kꞌawua bꞌea jõma Daizeze ũrãgꞌaba jara bꞌʉra jara bꞌʉa judíorã maʉ̃ ũrãgꞌa edre bꞌea, aramaʉ̃ne jõma chupea kꞌobꞌedꞌe zhãrã jõma kꞌawua okuaya Daizezebara.
