3 Abꞌaʉ pʉwʉrʉdꞌe bꞌasia wũẽrã pẽdrata, maʉ̃ izhima zebʉrʉza mawũã bꞌasia: Mʉrã kꞌarebarua mʉ jura bꞌʉ juwuadꞌeba.
Bʉa bĩ ẽã odꞌadꞌeba bʉ jura ũme kꞌadrʉabai krĩcha araa zerua, nokꞌoma odꞌe izhi ũme wãbʉda wedꞌa mawũã odua. Mawũã o ẽbʉrʉ bʉ jura bꞌʉbara nokꞌo zhãrã kꞌawua obaria chãbꞌariya, waya nokꞌoba policia chãbꞌariya edꞌa bꞌʉmarẽã cárceldꞌe.
Maʉ̃ta mawũãsia: Pʉwʉrʉdꞌe nokꞌota bꞌasia bedꞌeata araa obarita, Daizeze wawi ẽbasia, miã zhãrã wawi ẽbasia.
Izhara aribꞌae krĩña ẽã bꞌʉta ewari bio basia, mawũãmina maʉ̃ tẽã izhikusa mawũãsia: Mʉãrã Daizezera wawi ẽmina, miã zhãrã wawi ẽmina,
naʉ̃ wũẽrã pẽdra miãsẽã nʉmʉba mʉãrã kꞌarebaya, manebʉrʉ baridua dugue nʉmʉta mʉãrã zrogꞌa ẽbaya.
