Lucas 18:12 - Porciones del Nuevo Testamento

¹² Mʉrã nekꞌo ẽã zhiwidꞌi bꞌidꞌabaria, maʉ̃ta semanane oma ũme obaria, diez bꞌʉta abꞌa bʉaa dia bꞌʉa jõma mʉã jidabʉrʉra.

Lucas 18:12 교차 참조

Mateo 5:20

Maʉ̃neba mʉã marãã jaraya, ũrãgꞌa Moisédꞌe jarabada kꞌãñabara fariseorã kꞌãñabara Daizezeba jara bꞌʉta marãba audre kĩrãẽpa aribꞌaedꞌa ẽbʉrʉ, Daizezeta Nokꞌodꞌebemata bꞌea ẽã.

Mateo 6:1

Kĩrãkuitaudua, marãba biata obʉdara zhãrã kĩrãbita orãũdua bari zhãrãba ũdudꞌamarẽã. Bari maʉ̃ kꞌarea odꞌaibʉrʉ kꞌãrẽ dia ẽã marã Zeze ʉ̃tre bꞌʉbara.

Mateo 6:16

Marã nekꞌo ẽã zhiwidꞌi bꞌedꞌera kĩrã sopua duanarãũdua, sewa bibaʉta bꞌe kĩrãkꞌa duanarãũdua. Nekꞌo ẽã zhiwidꞌi bꞌeta zhãrãba kꞌawuadꞌamarẽã kĩrã sopua duaĩnabaria. Mʉã wãrĩnu marãã jaraya, mawũã bꞌebarira Daizezebara kꞌãrẽ dia ẽã.

Mateo 6:5

Bʉ zhiwidꞌibʉrʉdꞌera sewa bibaʉta bꞌe kĩrãkꞌa bꞌarãrũã. Ãzhira ʉ̃ta zhiwidꞌi krĩñadea, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea bari zhãrãba ũdudꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 9:14

Juanba jʉrʉkuadꞌata Jesúsma zedꞌape mawũãsidꞌa: ¿Daita dewara fariseorãta daira kꞌãrẽneba baridua nekꞌo ẽã zhiwidꞌi bꞌedꞌe, bʉa jʉrʉkuadꞌara nekꞌo ẽã zhiwidꞌi duanu ẽpe?

Lucas 11:42

¡Daizezebara pua kꞌawua oya marã fariseorãta bꞌera! Marãbara menta kiduata, ruda kiduata, ne udꞌebema kiduata diez bꞌʉabʉdaza abꞌa Daizezea diabada. Mawũãmina zhãrã kĩrãẽpa bia edadꞌa ẽã, miã Daizezera kʉãgꞌadꞌa ẽã. Maʉ̃ne maʉ̃trʉ aribꞌaedꞌaidꞌe bꞌʉa, ne wuaabema kenabꞌari ẽã aribꞌae bꞌedꞌe.

Lucas 17:10

Aramaʉ̃ kĩrãkꞌa marãbidꞌa jarabʉdata jõma obʉdadꞌera mawũãũdua: Dazhirã bari nezokꞌata bꞌea, mawũẽ dazhirãba oita bꞌadꞌatrʉ osidꞌa.

Romanos 3:27

¿Aramaʉ̃nerã arakꞌãwũãrã bia nʉmaĩka? ¡Arakꞌãwũãrã ãĩ bꞌʉya! ¿Bia nʉmaĩka Moisé ũrãgꞌadꞌebara? ¿Bia nʉmaĩka maʉ̃ ũrãgꞌata aribꞌae bꞌʉdꞌebara? Mawũã ẽã, awuarabʉrʉ bia nʉmaña Jesúsdꞌebema ũrãgꞌata ĩjã bꞌʉba.