24 Ba pureabʉrʉdꞌe bãjãta ʉ̃nabari kĩrãkꞌa dajada zeya mʉ Beubari Bape bꞌadꞌata zebʉrʉ ewadera.
Bata dajada pureabari kĩrãkꞌa mʉ Beubari Bape bꞌadꞌata zebʉrʉdꞌera dajada zeya.
Mobebʉrʉ ũdudꞌakꞌata ũdubʉdata mʉ Beubari Bape bꞌadꞌata bãjãneba uruta ũdudꞌaya, mawũã ũdubʉdaba druadꞌe zhãrã bꞌera jõma peraba jẽgadꞌaya. Maʉ̃nerã mʉ Beubari Bape bꞌadꞌara bãjãneba jãrãrãne uruta ũdudꞌaya zarea bara kꞌãbãẽã kĩrãwãrẽã.
Mʉ Beubari Bape bꞌadꞌata zarea bara zebʉrʉta mʉ ángelerã bawara zebʉrʉdꞌera, zhãrã kꞌawua oita jewedꞌaya mʉ bugue kĩrãwãrẽãne.
Mawũãĩ Jesúsbara mawũãsia: Ara bʉzha jarabʉrʉa. Mawũẽ mʉã marãã jaraya, idꞌidꞌeba marãbara ũdudꞌaya mʉ Beubari Bape bꞌʉra Daizeze zhi zroma juwua araare jewedꞌa bꞌʉta, jãrãrãne zebʉrʉta ʉ̃treba.
Miõba ĩbĩrã kꞌoape ãna nʉmʉka, awuarabʉrʉ ʉ̃tʉ bꞌʉbaria jõma ʉ̃namarẽã dedꞌa bꞌeta.
