15 Mawũẽ wãpe maʉ̃ druadꞌebemata bꞌʉ maẽ bꞌesia. Maʉ̃bara zokꞌasia meã izhi druadꞌe chĩna akʉmarẽã.
Daizezeitabemata usarãã diarãũdua marãta kꞌadꞌa ẽbamarẽã, miã perla marãne nʉmʉta chĩnarãã diarãũdua biradigadꞌa ẽbamarẽã, marãta dragꞌakuadꞌa ẽbamarẽã. (Ũrĩ krĩña ẽã bꞌeara aramaʉ̃ kĩrãkꞌa Daizeze bedꞌeara jararãũdua marã bĩ ẽã odꞌa ẽbamarẽã.)
Maʉ̃ tẽã ewari dããrã ẽãne tẽãbemane jõma nendope maʉ̃ plataba wãsia drua wawaraidꞌu. Maĩnu platara ewaradꞌe gastasia izha krĩñane bꞌʉdꞌe.
Mawũã jõma ewaradꞌe gastabʉrʉdꞌe jarraba zromata bꞌaesia maʉ̃ druadꞌera, mawũẽ jarrabadꞌe bꞌesia.
Maʉ̃nerã izhara kꞌo krĩña bꞌasia algarroba chĩnaba kꞌo bꞌeta, mawũãmina miõba diadꞌa ẽbasia.
Mawũãmina idꞌidꞌera kꞌazhiruadꞌebara ẽdrʉdꞌape Daizeze nezokꞌata bꞌeba izhiita nʉmeã, mawũẽ izhi ũme bꞌai jõ ẽã bꞌeaya.
