8 Mʉã marãã jaraya, iabꞌaʉba zhãrã kĩrãbita mʉ pẽwã bꞌʉa ara, mʉ Beubari Bape bꞌadꞌabidꞌa mʉ pẽwã bꞌʉa aya ángelerã Daizezedꞌe kĩrãbita.
Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.
Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.
