41 Mobebʉrʉ Pedroba mawũãsia: Nokꞌó, ¿bʉa maʉ̃ jarabʉrʉra bari daia jarabʉrʉka, o jarabʉrʉ jõmaʉ̃ã?
Mʉã marãã jaraira jõmaʉ̃ã jaraya: Dauba bꞌeaudua.
Mobe zebʉrʉdꞌe kꞌãĩ nʉmeta ũdui Pedroa mawũãsia: ¿Simón, bʉra kꞌãĩ nʉmʉka? ¿Bʉra ʉ̃rʉ̃ma kꞌobꞌa bꞌe ẽka hora abꞌabidꞌa?
Maʉ̃ nezokꞌabara izhi nokꞌoba kꞌãrẽ krĩñata kꞌawua bꞌʉta kĩrãkuita ẽãba izha krĩñata o ẽbadꞌara bio uya.
Mawũãmina iabꞌaʉba kꞌawua ẽãba uidꞌebemata ora bio u ẽã. Daizezeba iabꞌaʉa kꞌãrẽ bio diabʉrʉdꞌera kꞌãrẽ bio aribꞌae nʉmabiya. Aramaʉ̃ne iabꞌaʉa kꞌãrẽ bio chãbꞌaribʉrʉdꞌera kꞌãrẽ audre aribꞌae nʉmabiya.
