47 ¡Marã Daizezebara kꞌawua oya! Marãbara Daizezeba bedꞌeata jarabibarirã joudꞌapeadꞌa nʉmema ne pãrãbada, maʉ̃rã beakuasidꞌa marã zhibarirã bꞌeadꞌaba.
¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ beuwãrã joudꞌapeadꞌa totroa nʉme kĩrãkꞌa bꞌea, ʉ̃rʉ̃rã wãrĩnu bi-ia nʉmeã, mawũãmina edꞌara beudꞌa bꞌʉwʉrʉba bira nʉmeã, mitia nʉmeã.
Aramaʉ̃nerã marã krĩcha abꞌarika bꞌea mazhi zhibarirãba odꞌapeadꞌadꞌera. Ãzhara wãrãne beakuasidꞌa, waya marãbara maʉ̃rã joudꞌapeadꞌa nʉmema ne pãrãbada.
Mawũãnata jarape Estebanbara mawũãsia: ¡Marã kʉwʉrʉ zarea bꞌea! ¡Marãbara Daizeze bedꞌeara sodꞌebara aribꞌaedꞌa ẽã, ũrĩna ẽã! Marãbara Jawurebiaba jara bꞌʉra jipadꞌe aribꞌaedꞌa ẽã, mawũẽ mazhi zhibarirã bꞌeadꞌa kĩrãkꞌa bꞌea marãsidꞌa.
