16 Ʉ̃kʉrʉbara wãẽãbidꞌaita ũdudꞌakꞌata ũdubimarẽã jarasidꞌa Daizezedꞌeba nʉmʉbʉrʉ.
Kꞌabana bʉredrʉ bʉsidꞌe Jesúsbara mawũãsia: Zhãrã idꞌi ewadebema bia ẽãta bꞌea. Mʉta Daizezedꞌeba nʉmʉbʉrʉ ũdudꞌakꞌata ũdubimarẽã jara bꞌea. Mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Jonás berabꞌaridꞌa kĩrãkꞌabʉrʉ.
Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?
Maʉ̃ta jarasidꞌa wãẽãbidꞌape nokꞌoa jidꞌai kꞌarea. Mawũãmina Jesús ju kꞌobꞌepe egorodꞌe ne bꞌʉsia juwua jĩwĩniba.
