26 Mawũãĩ izhara mawũãsia: ¿Kꞌãrẽta jara bꞌʉ tabꞌʉ Daizeze ũrãgꞌadꞌera? ¿Bʉa kꞌãrẽta lebari?
Ũrãgꞌa Moisédꞌe jarabarita piradrʉpe wãẽãbiita Jesúa mawũãsia: Miã Ũrãgꞌabari, ¿mʉã kꞌãrẽ obʉrʉba jidaipe Daizeze ũme bꞌai jõ ẽãrã?
Mawũãĩ izhara panaʉ̃ mawũãsia: Nokꞌo Daizezera soidꞌu kʉãgꞌarua, bʉzhi jawureidꞌuba, bʉzhi zareaidꞌuba, bʉzhi krĩchaidꞌuba. Bʉzhi zhãrã kʉãgꞌarua bʉzhi kĩrãkꞌa.
Moisébara ũrãgꞌadꞌeba bedꞌea ne ẽbaidꞌebemata bꞌʉdꞌata mawũãsia: Ũrãgꞌata aribꞌae bꞌʉra maʉ̃neba bꞌaya.
Kꞌawua bꞌea jõma Daizeze ũrãgꞌaba jara bꞌʉra jara bꞌʉa judíorã maʉ̃ ũrãgꞌa edre bꞌea, aramaʉ̃ne jõma chupea kꞌobꞌedꞌe zhãrã jõma kꞌawua okuaya Daizezebara.
