34 Mawũãĩ Maríabara ángelea mawũãsia: ¿Sãwũã mawũãpe? Mʉrã wadꞌi zhũmakĩrã ũdukꞌawa ẽã.
Jacobodꞌeba uruta bꞌe ʉ̃rʉ̃ jipa Reyta bꞌaya, mawũẽ izhita Reyta bꞌʉra jõ ẽbaya.
Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.
Mawũãĩ Saulobara peraba ure mawũãsia: Nokꞌó, ¿bʉara mʉã kꞌãrẽta oita krĩñape? Mawũãĩ Nokꞌobara mawũãsia: Piradrʉpe pʉwʉrʉedꞌa wãrũã, mama jaradꞌaya bʉa kꞌãrẽ oita.
