36 Mawũãmina mʉã marãã jaradꞌa kĩrãkꞌa, marãbara mʉrã ũdu bꞌemina mʉnebema ĩjãna ẽã.
Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta ũrĩna ẽbʉrʉ, ĩjãna ẽbaya iabꞌa beudꞌata piradrʉbʉrʉsidꞌa.
Jesúsbara ũdudꞌakꞌata ãzhi kĩrãbita okuasiidꞌu ĩjãna ẽbasia izhidꞌebema.
Mʉã ãzhidꞌe edꞌa awʉrʉba okꞌata osi ẽbʉrʉ kꞌazhirua ne ẽã bꞌeakꞌausia, mawũãmina akʉ bꞌeta juradea mʉta, mʉ Zezeta.
Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãbara mʉrã jʉrʉ duanu ẽã sãwũãta kꞌawuasidꞌa baera mʉã odꞌata ũdudꞌakꞌata, awuarabʉrʉ mʉrã jʉrʉ duanuã panta jãwũã kꞌosidꞌa baera.
Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?
Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.
Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.
Mawũãmina marã ʉ̃kʉrʉbara ĩjãna ẽã. Jesúsbara mawũã jarasia jẽde wedꞌauba kꞌawua bꞌasi baera kꞌairãba ĩjãna ẽãta, aramaʉ̃ne kꞌawua bꞌasia izhira kꞌaiba chãbꞌariita.
