Juan 19:42 - Porciones del Nuevo Testamento

⁴² Egiptodꞌeba ẽzoadꞌata krĩcha judíorãba fiesta odꞌaita aribꞌae jirpanʉ baera mawũã beuwãrã wuagꞌaita arakꞌaita nʉmʉ maẽ edꞌa tabꞌʉsidꞌa Jesúra.

Juan 19:42 교차 참조

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Juan 19:14

Maʉ̃nerã aribꞌae jirpanasia Egiptodꞌeba ẽzoadꞌata krĩcha fiesta obadadꞌebemata, maʉ̃nerã ʉ̃matipa nʉmasia. Maʉ̃ne Pilatobara judíorãã mawũãsia: ¡Za bꞌidꞌa mazhi Rey!

Juan 19:20

Judíorã bioba maʉ̃ta lesidꞌa Jesús cruzdꞌe kꞌachidꞌapeadꞌara pʉwʉrʉ kꞌaita baera. Maʉ̃ bedꞌeara bꞌʉ jirabꞌasia hebreo bedꞌeadꞌe, griego bedꞌeadꞌe, latin bedꞌeadꞌe.

Juan 19:31

Maʉ̃ ewadera aribꞌae jirpanʉta Egiptodꞌeba ẽzoadꞌata krĩcha fiesta obadata odꞌaidꞌera nrũẽmarã ẽnaʉ̃bada ewari basia. Mawũẽ judíorãma biga ẽbasia zhãrã ari cruzdꞌe jizoa nʉmaĩrã ẽnaʉ̃bada ewade. Maʉ̃nerã ewari ẽnaʉ̃badara ne bia basia. Mawũẽ Pilatoa jarasidꞌa cruzdꞌe jizoa nʉmʉrã jẽrũ bꞌʉekuabipe mamaʉ̃bara ãĩ jirakuabimarẽã.

Juan 19:41

Jesús cruzdꞌe kꞌachidꞌapeadꞌa kꞌaita bꞌasia ne uta, mawũã ne uta bꞌʉ maẽ bꞌasia peña zobꞌeata zhiwidꞌita. Mamarã beuwãrã wadꞌi bꞌʉdꞌa ẽbasia miõta.

Hechos 13:29

Izhi ʉ̃rʉ̃bemata bꞌʉ tabꞌeta jõma arimaẽ berabꞌaribʉrʉdꞌera, cruzdꞌebara udꞌaa bꞌaebidꞌape tabꞌʉsidꞌa peña zobꞌeata beuwãrã wuagꞌaita nʉmʉ maẽ.