2 Juda Jesús chãbꞌariita bꞌʉbara kꞌawua bꞌasia mawũã ne uta bꞌʉ maẽrã, Jesús mama ãba zema bio basi baera izha jʉrʉkuadꞌa bawara.
Nokꞌó, sozuburiarua mʉ warrata, wawa bꞌʉa, mawũẽ biodꞌe zuburia bꞌʉa, bꞌaema bio bꞌae bꞌʉa tebʉdꞌe, bꞌaema bio bꞌae bꞌʉa doedꞌa.
Jesús ewaridꞌera miã ũrãgꞌa bꞌasia Daizeze dedꞌa ewara maẽ. Diamasera wãpe chubꞌe bꞌasia kꞌatuma Olivo abada maẽ.
Mobebʉrʉ izhi wã kꞌawa bꞌʉ kĩrãkꞌa wãsia Olivo kꞌatumaĩnu, maʉ̃nerã izha jʉrʉkuadꞌasidꞌa wãsidꞌa kꞌaidꞌu.
