24 Wadꞌi marãbara mʉnebara kꞌãrẽ widꞌidꞌa ẽã. Kꞌãrẽ widꞌiudua, mobedꞌeba jidadꞌaya, aramaʉ̃ne marã jipadꞌe sobia bꞌeaya.
Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa.
Sopuarãũdua. Ĩjãũdua Daizezedꞌebemata, ĩjãũdua mʉnebemasidꞌa.
Mʉãã kꞌãrẽta widꞌidꞌara mʉãrã aribꞌaeya.
Mʉã maʉ̃ta marãã jarabʉrʉa marã mʉ kĩrãkꞌa jipadꞌe sobia bꞌeamarẽã.
Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.
Juwua jidaidꞌera wũẽrã zhũmakĩrãba erunʉmʉã, izhi ũme zhi biata kꞌaita bꞌʉra izhi nemita ũrĩ bꞌʉba kꞌãbãẽã sobia bꞌidꞌabaria. Jesúsdꞌebema ũrĩ bꞌʉba aramaʉ̃ kĩrãkꞌa mʉrã kꞌãbãẽã sobia bꞌʉa.
