25 Mʉã maʉ̃ jõma marãã jarabʉrʉa marã bawara bꞌʉwedꞌa.
Mʉãrã maʉ̃ta nawedꞌa marãã jarabʉrʉa, mawũã berabꞌaribʉrʉdꞌera ĩjãnamarẽã Mʉrã Mʉta.
Mʉta kʉãgꞌa ẽãbara mʉ bedꞌeara aribꞌae ẽã. Mʉã jara nʉmʉ bedꞌeata ũrĩ bꞌera mʉrẽ ẽã, awuarabʉrʉ mʉ Zeze mʉ zokꞌadꞌadꞌea.
Mawũãmina marã Kꞌarebata Jawurebiata mʉ Zezeba mʉbari zokꞌaibara maʉ̃bara marãã ne jõma jaradedꞌekaya, bude babigaya jõma mʉã marãã jaradꞌata.
Mʉã maʉ̃ta marãã jarabʉrʉa mawũã berabꞌarii nawedꞌa, mawũã berabꞌaribʉrʉdꞌera ĩjãnamarẽã.
Mʉã maʉ̃ta marãã jarabʉrʉa marã mʉ kĩrãkꞌa jipadꞌe sobia bꞌeamarẽã.
Mʉãrã wadꞌi ne bio erubꞌʉa marãã jaraita, mawũãmina aritiara marãbara sãwũãta kꞌawuadꞌa ẽbaya.
