23 Mawũẽ Jesúsbara panaʉ̃ mawũãsia: Ewarira arabasia mʉ Beubari Bape bꞌʉra beudꞌata piradrʉpe ʉ̃taa wãĩta.
Mʉ Beubari Bape bꞌadꞌata zarea bara zebʉrʉta mʉ ángelerã bawara zebʉrʉdꞌera, zhãrã kꞌawua oita jewedꞌaya mʉ bugue kĩrãwãrẽãne.
Mobebʉrʉ izha jʉrʉkuadꞌama zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.
Mobe arajĩga wãpe egoroma bꞌarru kꞌobꞌepe zhiwidꞌisia Daizezema bigabʉrʉ izhira zuburiabi ẽbamarẽã.
Zema ũbeata zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.
Izha jʉrʉkuadꞌabara maʉ̃ naarara sãwũãrã kꞌawuadꞌa ẽbasia, mawũãmina Jesús ʉ̃taa wãna tẽãne bude basidꞌa maʉ̃ izhi ʉ̃rʉ̃bemata bꞌʉ tabꞌedꞌe odꞌapeadꞌata.
Mʉrã sopua kꞌobꞌʉa. ¿Mʉãrã kꞌasia aipe? ¿Zeze mʉrã kꞌarebarua, mʉrã zuburiabirãrũã aika? Mawũãmina mʉrã zesia maʉ̃ kꞌarea.
Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.
Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.
