45 Mobebʉrʉ judíorã bio María kꞌopayadꞌaita zedꞌapeadꞌabara Jesúsba mawũã obʉrʉta ũdudꞌape ĩjãsidꞌa izhidꞌebemata.
Maʉ̃nerã bio izhima ze nʉmʉbara mawũã duanasia: Ũdudꞌakꞌara Juanbara o ẽbasia, mawũãmina naʉ̃ Jesúsdꞌebemata Juanba jaradꞌara jõma wãrĩnu basia.
Judíorã bio zesidꞌa Martama, Maríama, aramaʉ̃ne kꞌopayadꞌaita ãzhi mebeata beusi baera.
Dedꞌa judíorã María kꞌopaya bꞌebara María ĩñabasia piradrʉpe wãbʉrʉta ũdudꞌai, kꞌaidꞌu wãbʉdata mawũãsidꞌa: Zhi mebea wuagꞌadꞌapeadꞌaidꞌu jẽgadꞌe wã.
Isaíaba mawũã jarasimina judíorãta nokꞌorãbara bioba ĩjãsidꞌa Jesúsdꞌebema. Mawũãmina ĩjã bꞌea adꞌa ẽbasia wawia bꞌeba fariseorãta, aramaʉ̃ne edꞌa wãbi ẽã nʉmʉna ẽbamarẽã de zhi jʉrebada maẽ.
Jesús Jerusalénne bꞌʉta, Egiptodꞌeba ẽzoadꞌata krĩcha fiesta obadadꞌe bꞌʉdꞌe, izhidꞌebemata bioba ĩjãsidꞌa ũdudꞌakꞌata bio onʉmʉta ũdubʉdaba.
Kꞌabanabara bioba izhidꞌebemata ĩjãnape mawũã duanasia: Zhãrã Ẽdrʉbiita zebʉrʉdꞌera, ¿ũdudꞌakꞌara audre oibʉka naʉ̃ba obꞌʉ kꞌãñabara?
