17 Mʉ Zezebara mʉrã kʉãgꞌa mʉrã beui baera wakusa piradrʉita.
Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.
Aramaʉ̃ kĩrãkꞌa mʉ Zezebara mʉrã ũdukꞌawua bꞌʉa, mʉ Zezera mʉãbidꞌa ũdukꞌawua bꞌʉa. Mʉrã beuya ovejarã kꞌarea.
Mʉrã miõba beadꞌa ẽã, awuarabʉrʉ mʉrã mʉzhi biaba beuya. Mʉãrã erubꞌʉa beui zareara, mʉãrã erubꞌʉa wakusa piradrʉi zareara. Maʉ̃ta omarẽã jarasia mʉ Zezeba.
Maʉ̃ne Juanba jʉrʉkuadꞌata judíorã ʉ̃kʉrʉ bawara kꞌaikꞌaiasidꞌa Daizeze kĩrãbita bia bꞌeaita ne sʉgʉ badadꞌebema kꞌarea.
