14 Mʉrã ovejarã akʉira bigaudꞌeba ũdukꞌawua bꞌʉa mʉ ovejarã, mʉrẽta bꞌebidꞌa mʉrã ũdukꞌawua bꞌea.
Mʉrã bigaua ovejarã akʉira. Ovejarã akʉita bigaura beubaria ovejarã kꞌarea.
Pagꞌa bꞌʉkꞌãrĩnarã mawũã wãẽba wãbaria, plata kꞌarea nʉmʉ baera sopua ẽã ovejarã kꞌarea.
Mʉ ovejarãbara mʉ bedꞌeara ũrĩ bꞌea, mʉãrã ãzhira ũdukꞌawua bꞌʉa, mʉrã aramaʉ̃ne pẽwã bꞌea.
Bꞌai jõ ẽãrã, bʉta ũdukꞌawadꞌaidꞌe bꞌʉa Daizezera abꞌabai bꞌʉta wãrĩnuta, ũdukꞌawadꞌaidꞌe bꞌʉa mʉta Jesucristota bʉa zokꞌadꞌata.
Bedꞌeata bʉa mʉãã diadꞌara mʉãrã jarakꞌasia, maʉ̃ ãzhara ĩjãsidꞌa. Aramaʉ̃ne kꞌawuasidꞌa mʉrã wãrĩnu bʉ maẽba zedꞌata, aramaʉ̃ne ĩjã bꞌea mʉrã bʉa zokꞌadꞌata.
