7 Maʉ̃ zesia ʉ̃nanebemata jarakꞌaita, aramaʉ̃ne jõmaʉ̃ba ĩjãnamarẽã izhidꞌeba.
Mawũãmina izhita bia edadꞌapeadꞌara, izhidꞌebemata ĩjãnapeadꞌara Daizeze warrarãta duanebisia.
Juanbara izhidꞌebemata mawũãsia: Naʉ̃ jarabʉrʉta mʉãrã mawũãsia: Mʉ tẽã urura mʉ audre zhi zroma mʉ nawedꞌa bꞌadꞌaba.
Jesúsdꞌebemata Juanba jarasidꞌera, nokꞌorã judíorãba Jerusalénneba sacerdoterãta levitarã bawara zokꞌasidꞌa widꞌi mawũãnamarẽã: ¿Bʉra kꞌaipe?
Maʉ̃ne Jesústa mama taita ũdui mawũãsia: ¡Akaudua, naʉ̃ta Oveja zake Daizezedꞌea!
Wãrĩnu ʉ̃nabara Daizezedꞌebema kꞌawuabiga bꞌʉba zhãrã jõma ʉ̃nabi bꞌʉra zeita bꞌasia naʉ̃ ẽjũãẽna.
Mawũãnaĩ Pablobara mawũãsia: Juanbara zhãrã buru kꞌoesia buru kꞌoebʉdaba kꞌazhiruara ãmape Daizezeta pẽwãnamarẽã, aramaʉ̃ne zhãrãã jarasia ĩjãnamarẽã izhi tẽã zeidꞌebemata, maʉ̃ Jesústa zhãrã Ẽdrʉbia.
