2 Mawũãĩ Estebanbara mawũãsia: Mʉ ʉrerã, marã mʉ zeze kĩrãkꞌa bꞌeba mʉ bedꞌeata ũrĩũdua: Daizeze zhi zromata dazhirã zeze Abrahanʉã zhi ũdubisia wadꞌi Mesopotamia druadꞌe bꞌʉdꞌe Harán pʉwʉrʉdꞌe bꞌei nawedꞌa.
Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara. Reyta nʉmaĩrã bʉrea, zareara bʉrea, zhi zromata nʉmaĩrã bʉrea ewari nʉmʉ jõma. Amén.
¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!
Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.
Isaíabara maʉ̃ta jarasia kꞌãĩmokꞌaradꞌe kĩrãkꞌa ũdudꞌaba Jesús zhi zromata bꞌaita, mawũẽ jarasia izhidꞌebemata.
Mʉ ʉrerã, marã mʉ zeze kĩrãkꞌa bꞌea, mʉ marã kĩrãbita mʉzhikusa zhi kꞌareba bedꞌeaita ũrĩũdua.
Pabloba mawũãĩ fariseorã, saduceorã ãzhirãĩnu bĩ ẽã bedꞌeasidꞌa, ãba tabꞌʉra aramaʉ̃ne dra totosia.
Maʉ̃nerã sacerdote wagꞌauba mawũãsia: ¿Bʉ ʉ̃rʉ̃bemata jarabʉdara wãrĩnuka?
