25 Mawũãmina iabꞌa zepe jarakꞌa mawũãsia: Ũmakĩrãrã marãba cárceldꞌe bꞌʉdꞌapeadꞌara Daizeze dedꞌa ewara maẽ zhãrã ũrãgꞌa panʉã.
Nokꞌorã kĩrãbita, reyrã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya, judíorã ẽãta bꞌeabidꞌa jaradꞌaya.
Mawũãmina maʉ̃rãnebema ʉ̃kʉrʉra fariseorãma wãpe jarasidꞌa Jesúsba mawũã obʉrʉta.
Ewari abꞌa Pedro Juan ũme Daizeze deidꞌu wãrĩze wãsidꞌa a las tres zhiwidꞌibada ʉ̃madaudꞌe.
Maʉ̃ bedꞌeata ũrĩbʉdadꞌera sacerdote wagꞌaubara, Daizeze de akʉbada nokꞌobara, sacerdoterã nokꞌorãbara kꞌawuadꞌa ẽbasia maʉ̃ sãwũãĩrã.
Mawũãĩ Daizeze de akʉbada nokꞌora wekuaita wãsia Daizeze de akʉbada bawara, aramaʉ̃ne zhõ ne ẽã wekuasia perabʉdaba zhãrãba mongꞌaraba tabꞌari beadꞌaidꞌeba.
