Hechos 23:9 - Porciones del Nuevo Testamento

⁹ Aramaʉ̃ne kĩrũ bꞌʉgadrʉsidꞌa. Maʉ̃ne ũrãgꞌa Moisédꞌe jarabadata fariseorãnebemata piradrʉdꞌape mawũãsidꞌa: Ũmakĩrã naʉ̃bara miã kꞌãrẽta bĩ ẽã o ẽã. Jawurebiata izhaa bedꞌeasi ẽbʉrʉ ángelta bedꞌeasia, idaribi ẽã jirpana ẽã Daizezea.

Hechos 23:9 교차 참조

Marcos 2:16

Ũrãgꞌa Moisédꞌe jarabadaba fariseorã bawarauba ũdusidꞌa mawũã nekꞌobʉrʉta impuesto widꞌibada bawara, dewaraurã kꞌazhirua omiãrã bawara, mawũẽ izha jʉrʉkuadꞌaa mawũãsidꞌa: ¿Kꞌãrẽta kꞌãwũã izhira nekꞌo bꞌʉ impuesto widꞌibada bawara, dewaraurã kꞌazhirua omiãrã bawara?

Lucas 23:22

Pilato bedꞌeama ũbeata mawũãsia: ¿Kꞌãrẽ bia ẽãta osi naʉ̃bara? Mʉma naʉ̃bara izhi beadꞌaidꞌebema o ẽbasia. Mawũẽ mʉãrã ubigape ẽnetaya.

Lucas 23:4

Mawũãĩ Pilatobara sacerdoterã nokꞌorãta kꞌobꞌea, zhãrã kꞌobꞌea mawũãsia: Mʉma ũmakĩrã naʉ̃ bedꞌea ne ẽã.

Lucas 5:30

Mawũẽ ũrãgꞌa Moisédꞌe jarabadabara fariseorã bawarauba Jesúsba jʉrʉkuadꞌata jara mawũãsidꞌa: ¿Marã kꞌãrẽã nekꞌo duanu impuesto widꞌibada bawara, dewaraurã kꞌazhirua omiãrã bawara?

Juan 12:29

Kꞌabanata mama kꞌobꞌebara maʉ̃ bedꞌeata ũrĩbʉdadꞌera jarasidꞌa bata. Waya awʉrʉrãbara mawũãsidꞌa: Ángelta Jesúa bedꞌeabʉrʉa.

Hechos 11:17

Aramaʉ̃nerã Daizezebara abꞌaʉta dedꞌekata Nokꞌo Jesucristodꞌebema dazhirãba ĩjã bꞌea diadꞌata dedꞌekasia, ¿mawũẽ mʉrã kꞌaibasi maʉ̃ta idaribi ẽã nʉmaĩrã Daizezea?

Hechos 22:6

Mawũãmina mʉ wãne Damasco kꞌaita babʉrʉdꞌe, ʉ̃matipa aritiaudꞌe mʉta pʉrra abꞌaedꞌa urua tẽũsia bãjãneba.

Hechos 22:7

Mʉta udꞌa bꞌaebʉrʉdꞌera nemita ũrĩbʉrʉta mʉãã mawũãsia: Saulo, Saulo, ¿bʉa mʉrã kꞌãrẽã pẽwã bꞌʉ?

Hechos 23:29

Mawũẽ mʉãrã kꞌawuasia ãzhi ũrãgꞌadꞌebema kꞌarea jirpanʉta. Mawũãmina miã kꞌãrẽ bedꞌeata erubꞌa ẽbasia beadꞌaira o cárceldꞌe bꞌaira.

Hechos 23:8

Maʉ̃ẽnabema saduceorãbara jara bꞌea beudꞌara piradrʉ ẽãta, miã ángel ne ẽãta, miã Jawurebiara ne ẽãta. Mawũãmina fariseorãma maʉ̃rã mawũã.

Hechos 25:25

Mawũãmina mʉãrã kꞌawuasia izhi beadꞌaidꞌebema o ẽãta, izhira rey Augusto Césarba kꞌawua omarẽã krĩña bꞌʉba mʉãrã ya krĩchasia zokꞌaita izhima.

Hechos 26:31

Mobe jãpe wãnape ãzhirãĩnu mawũãsidꞌa: Izhi beadꞌaidꞌebema miã cárceldꞌe bꞌaidꞌebema o ẽbasia naʉ̃bara.

Hechos 27:23

Idꞌi diamase mʉ ũme bꞌasia ángel Daizezedꞌeta, mʉrã Daizezedꞌea, mʉãrã izha jara bꞌʉta aribꞌae bꞌʉa.

Hechos 5:39

Mawũãmina Daizezedꞌebʉrʉ marãbara kiawe bꞌedꞌa ẽã. Kꞌaubaudua zhõ nʉmeãĩta Daizeze ũme.

Hechos 9:4

Mawũẽ egorodꞌe bꞌaebʉrʉdꞌe nemita ũrĩbʉrʉdꞌera izhaa mawũãsia: Saulo, Saulo, ¿bʉa mʉrã kꞌãrẽã pẽwã bꞌʉ?