35 Ne jõmaʉ̃ne mʉã marãã jaradia bꞌʉa mawũã traja kꞌarebai barata kꞌãrẽ nesidꞌa bꞌera. Nokꞌo Jesús bedꞌeata bude baudua mawũãnata: Dazha awʉrʉa kꞌãrẽ diabʉrʉba dazhira audre sobiaya awʉrʉba diabʉrʉta jidai kꞌãñabara.
Kꞌaya bꞌera bꞌebiudua, aidꞌaba kꞌaya bꞌera nene ẽã bꞌebiudua, beudꞌapeadꞌara piradrʉbiudua, jaira ãĩ jʉrekuaudua. Maʉ̃ zareara marãbara bari jidasidꞌa, mawũẽ bari maʉ̃ kꞌaudꞌa bꞌeaudua.
Aramaʉ̃ne mʉãrã marã biaitabema idaribi ẽã jarasia jõmaʉ̃ daidꞌu, jarasia dezabidꞌa.
Mʉãrã idaribi ẽã jõma jarabʉrʉa ũrãgꞌa Daizezedꞌera.
Awuarabʉrʉ marãbara kꞌawua bꞌea mʉã nesidꞌara mʉ bawara bꞌeba nesidꞌara mʉzhi juwuaba abꞌʉa.
Maʉ̃ta jarape Pablo sãkꞌokꞌodꞌe kꞌobꞌepe zhiwidꞌisia ãzhi jõmaʉ̃ bawara.
Dazhi zarea nʉmebara kꞌarebadꞌaibara zarea nʉme ẽãrã, aramaʉ̃ne dazhiitabʉrʉ bia nʉmeã ẽã.
