44 Jesúsdꞌebema ĩjãnapeadꞌara ãba bꞌeba ne jõma erubꞌeasia jõmaʉ̃ĩta.
Kꞌabanata zhi Jesúsdꞌebema ĩjãnapeadꞌara so abꞌa, krĩcha abꞌa bꞌeasia. Ne erubꞌera miõba naʉ̃ mʉ abꞌaʉdꞌea adꞌa ẽbasia, awuarabʉrʉ ne jõma erubꞌeasia jõmaʉ̃ĩta.
Maʉ̃bara nendosia drua erubꞌʉta, mobe maʉ̃ nendodꞌa platara wepe chãbꞌarisia Jesúsba zokꞌakuadꞌaa.
Mobe maʉ̃ nendodꞌadꞌebemata plata ãĩ edasia, maʉ̃ kꞌawuasia zhi kĩmabidꞌa, aramaʉ̃ne zhi wuaabemata edepe chãbꞌarisia Jesúsba zokꞌakuadꞌaa.
¿Erubꞌʉdꞌera kꞌãʉ̃ druara bʉre ẽbasika? ¿Nendobʉrʉdꞌera platara bʉre ẽbasika? ¿Kꞌãwũã oira kꞌãrẽã kꞌobꞌʉsi bʉ sodꞌera? Bʉra beubaria sewa nebʉrʉtabe ẽã, awuarabʉrʉ sewa nebʉrʉa Daizezea.
