9 Ewari abꞌa Nokꞌo Jesúsbara Pabloa kꞌãĩmokꞌaradꞌe kĩrãkꞌa diamase mawũãsia: Perarãrũã, awuarabʉrʉ bedꞌearua, chupearãrũã.
Diamase Pablobara kꞌãĩmokꞌaradꞌe kĩrãkꞌa ũdubʉrʉta ũmakĩrã Macedonia bidꞌata edau nʉmʉba zuburia bedꞌea mawũãsia: Ya kĩrãrã Macedonia druaedꞌa zepe kꞌarebarua daira.
Mʉrã bʉ ũme bꞌʉba bʉra miõba bĩ ẽã o ẽã. Mʉãrã mʉnebema ĩjãnaĩta bio erubꞌʉa naʉ̃ pʉwʉrʉdꞌe.
Maʉ̃nerã mʉã Nokꞌo Jesústa ũdubʉrʉdꞌera mʉãã mawũãsia: Jerusalénnebara ĩñabasia ãĩ wãrũã, namarã ĩjãna ẽbaya bʉa jarabʉrʉra mʉnebemata.
Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.
Maʉ̃ne Damascodꞌe bꞌasia Jesúsdꞌebema ĩjã bꞌʉta Ananía abadata. Nokꞌobara kꞌãĩmokꞌaradꞌe kĩrãkꞌa maʉ̃ã mawũãsia: Ananía. Mawũãĩ izhara panaʉ̃ mawũãsia: Mʉrã za bꞌʉa Nokꞌó.
