16 Ewari abꞌa daira zhiwidꞌibadaidꞌu wãne daibara nezokꞌa ãwũẽrãta daucha zesia jaidꞌeba ne arimaẽ jarabarita. Maʉ̃bara izhi nokꞌorãã plata bio ganabi bꞌasia ne arimaẽ jara bꞌʉba.
Ẽnaʉ̃bada ewade daira pʉwʉrʉdꞌebara ãĩ wãsidꞌa doedꞌaa, daibara krĩchasidꞌa mama zhiwidꞌibadata bꞌʉta. Daira jewedꞌa duanepe Jesúsdꞌebemata jarasidꞌa wũẽrãrã zhi jʉre duanuã.
Maʉ̃ kꞌaudꞌa bꞌasia ewari bio. Mawũẽ Pablora bĩ ẽãpe pʉrʉwape jaia mawũãsia: Mʉã bʉaa jaraya, Jesucristo trʉ̃neba ãĩ wãrũã kꞌãʉ̃ wũẽrãnebara. Mawũãĩ ãĩ wãsia aramaʉ̃ta.
Mawũãmina maʉ̃ta izhi nokꞌorãba ũdudꞌai, mawũã ãzhi plata ganabi bꞌʉta ãĩ wãbʉrʉdꞌeba jidasidꞌa Pablora Silara. Mobe pʉwʉrʉ ẽsadra wesidꞌa nokꞌorã kĩrãbita.
Ne platadꞌebemata obarita bꞌasia Demetrio abadata, maʉ̃bara platadꞌebemata de zakerãta o bꞌasia Diana ne zhi zromane erubꞌe de zata. Plata bio ganabiga bꞌasia maʉ̃ obiga duanukꞌãrĩrã.
