35 Pablora Bernabéra ari Antioquíadꞌe panʉba Nokꞌo Daizeze bedꞌeata, Jesúsdꞌebema bedꞌea biata jara panasia awʉrʉrã bio bawarauba.
Bernabébara Saulobara ãzha kꞌãrẽ oi bꞌʉra aribꞌaedꞌape Jerusalénnebara jẽrũya wãsidꞌa, maʉ̃nerã ãzhi bawara edesidꞌa Juanta, maʉ̃ abꞌaʉta Marco basia.
Mebẽrã Antioquía pʉwʉrʉdꞌe bꞌe maẽ bꞌeasia Daizezeba bedꞌeata jarabibarirãta, miã ũrãgꞌabadata: Ãzhira bꞌeasia Bernabéta, Simónta, Simón abꞌaʉta Níger basia, Lucio Cirene pʉwʉrʉdꞌebemata, Manaén rey Herode ũme waridꞌata, Saulota bꞌeasia.
Nokꞌobara mawũã berabꞌaribʉrʉta ũdupe ĩjãsia bigadꞌeba ũrãgꞌa Nokꞌo Jesúsdꞌera.
Mama ewari bio panesia Jesúsdꞌebema ĩjã bꞌe bawara.
Mawũãmina Silama biga basia mama bꞌeita.
Daizezeta Nokꞌodꞌebemata jara bꞌʉta Nokꞌo Jesucristodꞌebemata dajada jara bꞌasia, maʉ̃nerã miõba sãwũã ẽbasia.
Mawũãmina jãrãzoa wãnabara baridu maẽ jara wãsidꞌa Jesúsdꞌe bedꞌea biara.
