Hechos 12:20 - Porciones del Nuevo Testamento

²⁰ Maʉ̃ ewadera Herode kĩrũ bꞌasia Tiro pʉwʉrʉdꞌebema bawara, Sidón pʉwʉrʉdꞌebema bawara, maʉ̃ kꞌarea maʉ̃rã krĩchasidꞌa bedꞌeadꞌe wãnaĩta izhima. Mawũẽ rey Herodeba Blasto nokꞌo zromata bꞌʉkꞌãrĩ bawara bedꞌeasidꞌa jaramarẽã adu-a bꞌeaita, mawũã osidꞌa zhikora eda bꞌeba rey druadꞌe.

Hechos 12:20 교차 참조

Lucas 16:8

Ne akʉbarita bia ẽãrã izhi nokꞌobara ibia jarasia mawũã kꞌãrẽ sãwũã oira bigaudꞌeba. Aramaʉ̃ne naʉ̃ ẽjũãne bꞌera zhãrã sãwũã edaira audre bigauta bꞌea Daizeze warrarã kꞌãñabara.

Hechos 12:21

Zedꞌamarẽã jaradꞌa ewarita arababʉrʉdꞌera, Herodebara izhi rey wuata jʉ̃pe izhi buguedꞌe jewedꞌape bedꞌeasia.

Hechos 21:3

Wãne dodꞌu Chipre dajadabʉrʉdꞌera juwua ãkꞌaare ãmaẽbʉdata zesidꞌa Siria druaedꞌa, aramaʉ̃ne Tiro pʉwʉrʉedꞌa jũẽkuasia barcoba mama ne ãĩ jirakuaiba.

Hechos 21:7

Daira pusadꞌe wã taubʉdata Tiro pʉwʉrʉdꞌeba jizoasia Tolemaida pʉwʉrʉedꞌa. Mama mebẽrã saludꞌadꞌape ãzhi bawara duanesia ewari abꞌa.