Hechos 1:13 - Porciones del Nuevo Testamento

¹³ Jerusalén jũẽkuape wãrĩzekuasia kʉdꞌa ʉ̃rʉ̃bemaĩnu. Mobe mama duanesia Pedrota, Jacobota, Juanta, Andrésta, Felipeta, Tomásta, Bartolométa, Mateota, Jacobo Alfeo warrata, Simón Zeloteta, Juda Jacobo warrata.

Hechos 1:13 교차 참조

Mateo 9:9

Jesús mamaʉ̃ba wãbʉrʉdꞌera ũdusia Mateo abadata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 14:15

Izhara marãã ũdubigaya kʉdꞌa ʉ̃rʉ̃bema kʉdꞌa zromata zhi araa omata, mama zhiko oudua dazhirãĩta.

Marcos 14:33

Mobe izhi bawara edesia Pedrota, Jacobota, Juanta, maʉ̃nerã kꞌãbãẽã sopua kꞌobꞌesia.

Marcos 2:14

Mawũã wãbʉrʉdꞌera ũdusia Leví Alfeo warrata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 5:37

Mobe kꞌaidꞌu wãbiga ẽbasia miõta, awuarabʉrʉ wãbigasia Pedrota, Jacobota, Juan Jacobo mebeata.

Marcos 9:2

Maʉ̃ tẽã ewari seis babʉrʉdꞌera Jesúsbara edesia Pedrota, Jacobota, Juanta, maʉ̃rãta ãzhi dobꞌa jʉre edesia kꞌatuma ʉ̃tʉ nʉmʉĩnu. Mama awuarasia ãzhi kĩrãbita.

Lucas 22:12

Izhara marãã ũdubigaya kʉdꞌa ʉ̃rʉ̃bema kʉdꞌa zromata zhi araa omata, mama zhiko oudua.

Juan 11:16

Mobebʉrʉ Tomás Memerã abadabara dewaraurã Jesúsba jʉrʉkuadꞌaa mawũãsia: Dazhirãsidꞌa wãnaña izhi bawara beudꞌe.

Juan 14:22

Mawũãĩ Juda awʉrʉba Iscariote ẽãba mawũãsia: Nokꞌó, ¿bʉara sãwũã daiaabʉrʉ bʉdꞌebemata kꞌawuabi nʉmaĩne kꞌawuabi nʉma ẽpe bʉdꞌebema ẽãta bꞌeara ẽjũãne?

Juan 18:17

Mawũẽ wũẽrã puerta akʉbaribara Pedroa mawũãsia: ¿Bʉsidꞌa kꞌãʉ̃ba jʉrʉkuadꞌadꞌebema ẽka? Mawũãĩ izhara mawũãsia: Mʉrã izhi ẽã.

Juan 21:2

Ãba duanasia Simón Pedrota, Tomás Memerã abadata, Natanael Caná pʉwʉrʉdꞌebemata, maʉ̃ pʉwʉrʉra Galilea druadꞌebema, dewara Zebedeo warrarãta, dewara ũme Jesúsba jʉrʉkuadꞌata.

Hechos 12:17

Maʉ̃ne izhara chupeadꞌamarẽã juwuaba jarape nebʉrʉsia Daizezeba sãwũã ẽdrʉbita cárceldꞌeba. Mobe mawũãsia: ¡Maʉ̃ta kꞌawuabiudua Jacoboa dewara mebẽrãã! Mawũãpe wãbʉrʉta wãsia ẽjũã awʉrʉedꞌa.

Hechos 15:13

Ãzhi chupeadꞌai Jacoboba mawũãsia: Mebẽrã, mʉ bedꞌeata ũrĩũdua.

Hechos 2:14

Maʉ̃nerã Pedrora dewaraurã once bawara ʉ̃ta nʉmepe nemi jĩgua mawũãsia: Judíorãta bꞌeba, dewara jõma Jerusalénne bꞌeba naʉ̃ta kꞌawuadꞌaita ũrĩũdua mʉ bedꞌeata.

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 20:8

Ĩbĩrãta bio kꞌoakꞌoadrʉ nʉmasia kʉdꞌa ʉ̃rʉ̃bemata ʉ̃tʉidꞌu zhi jʉre tabꞌʉ maẽ.

Hechos 4:13

Pedro Juan ũme mawũã wãnigua kꞌopanʉrã kꞌawuasidꞌa bio estudiape panʉ ẽãta, mawũẽ bia akʉdruasidꞌa. Aramaʉ̃ne ũdukꞌawasidꞌa Jesús bawara pananata.

Hechos 4:19

Mawũãnaĩ Pedrobara Juanbara panaʉ̃ mawũãsidꞌa: Krĩchaudua marã bedꞌea aribꞌaeita Daizezema biga kꞌawuaita izhi bedꞌea aribꞌaei kꞌãñabara.