Miqueas 5:3 - Las Escrituras en Ashéninka Ucayali del Sur

³ Eepichokiini rookawenta-paentziri rashiyitari, Roojatzi paata otzimaa-nitan-takyaari tsinani ikowakahae-takiri itzime eentsite. Riyoshiiteetani tsinani itzime eentsite. Aripaete ipokayitee isheninka, Itsipayi-teeyaari Israel-paeni.

Miqueas 5:3 교차 참조

Mateo 1:21

Aririka itzimaki eenchaa-niki, piiteri “Rowawijaa-kotee Tajorentsi”. Tema riitaki owawijaa-koteerini isheninka-paeni ikaariperotakira. Tema iroka waerontsi “Rowawijaa-kotee Tajorentsi”, rootaki ikantziri iñaaniki riroripaeni “Jesús”.

Mateo 12:50

Tema ikaatzi antaneerori ikoyiri Ashitanari Inkite-jatzi, riitaki nirentzi-taari, rootaki notsiro-taari eejatzi noniron-taari.”

Mateo 25:40

Ikante Pinkathari: ‘Tema pineshironka-yitzirira ikaatzi awentaa-yitaanari noshiya-kaanteeri yeeyi, naakataki pineshironkatzi. Omaperotatya.’

Roma-jatzi 8:29

Ikaatzi riyotzi-takari Tajorentsi aritaki ikemijanteeri, riitaki ikimita-kaanteeri itomi-perori. Ikantaha Reewarite Itomi, ari ikantzityaari itsipa impoeta-tsiri, noyemijantzinkarite-paeni irika.