35 Ari othonkae-yaari inkite eejatzi kepatsi, rooma okaatzi nokaman-takimiri otzimatyee omonkaa-yiteeyaa.
Tajorentsi: Ari ashi owaatyeero piñaani jenokintaki.
Eero nomaejantziro okaatzi nokashiya-kaakiriri. Eero nomaeritzi nokanteri okaatzi nokaman-takiriri.
Ataakawitya tonkaariki, pookawita ochempi, Eero napakaero noneshironkatzimi eerokaete, eero pipakayiro paapatziyawakaa eerokaete.” Ari ikantzi iñaawaetaki Tajorentsi, neshironkaperotzimiri.
Tema irika Tajorentsi, tee roshiyari atziri-paeni itheeyan-tyaari, Tee rinashitawo okaatzi ikenkishire-takari. Aririka ikanti: “Iroka nantiri.” Aritaki rantakiro. Imonkaa-tziro maawoeni ikashiya-kaantziri.
Kyaaripero aritaki othonkaeyaa kepatsi eejatzi inkite, eero awijashita Ikowakaan-teetani roojatzi omonkaa-tanta-kyaari maawoeni.
Royaa-koteeri rirori-paeni ashi rowaero rañaayitee. Rootaki ikashiya-kaantakiri paerani Tajorentsi tekiraha rowetsikiro kepatsi. Teera ramatawitantzi Tajorentsi.
Roo kanteencha iñaani Tajorentsi, ashi owaero. Rootaki iroka Kameethari Ñaantsi ikamantee-takimiri eeroka.
Okanta noñaaki antawo kitamaari jeeka-mentotsi. Eenitatsi jeekanta-kawori, riitaki thonkaerori inkite eejatzi kepatsi.
“Iroka pojankinate-niriri Ronampiri kemijantzinkari-paeni piyotachari Laodicea-ki. Riitaki ñaanatziri iiteetziri ‘Kyaariwé,’ riitaki rawentaa-shireta-piinteetari iñaawaetzirowa kyaariperori. Riitakira ñaanatziriri rowetsika-kaetakiri paerani iroka kepatsi. Iroka ikantziri:
Tee okoñaatanee inkite, okimita-nakawo apineeta-hanki antawo tsipana. Tee iñahaetaneero ochempi-paeni thonkanaka otaanka-yitanaki eejatzi othampishi-paeni.
