1 Ashi nowaero nomampaeyaa, nomampaa-wenteero ineshironka-teena Tajorentsi. Nomampaa-wenteeyaari, nokanteeri ikaate icharini-teeyaari: “Tee rookawentanta Tajorentsi.”
Eeroka kyaaryoowenteerini maawoeni ikaatzi añaatsiri paerani, eejatzi ikaatzi añaatsiri nimaeka, eejatzi ikaatzi tzimaatsini paata. Eeroka owetsikakirori kepatsi, rootaki opoñaantari otzimi.
Tajorentsi Ñaaperori! ¿Eenitatsima oshiyimini eeroka? Eeroka shintsi-perori. Ashi poyiro pikyaaryoo-wentantzi.
Eero nopakaemaetawo netakotee-yaari. Noejokiro-peroteeyaari, ashi noyiro notsipa-tyaari.
Royaa-koteeri rirori-paeni ashi rowaero rañaayitee. Rootaki ikashiya-kaantakiri paerani Tajorentsi tekiraha rowetsikiro kepatsi. Teera ramatawitantzi Tajorentsi.
Tema kijokiro nokanteeri noneshironka-teeri, Okantakaawo ipaeryaa-piinteero nowaero otzimimo-tantee-yaariri ishintsinka.
