1 Juan 5:3 - Las Escrituras en Ashéninka Ucayali del Sur

³ Aririka aneshironka-perota-neeri Tajorentsi, okimiwitakawo amonkaatee-nirimi ikantakaantani. Eero apomeentsitawo amonkaa-yiteero ikantakaantani.

1 Juan 5:3 교차 참조

Éxodo 20:6

Riima ikaatzi etakote-tee-nani naaka, ikemijan-teero noñaani, osheki netakotee-yaari rirori, ari nokanteeriri maawoeni icharini-teeyaari ikaati poyaatee-yaarini paata.

Mateo 23:4

Omaperotatya opomeentsita okaatzi ikowakaemiri panteeromi. Teemaeta ipomeentsi-tyaawo rirori imayiteero.

Juan 14:15

“Aririka petakoteena, aritaki pikemijanteero nokanta-yitzimiri.

Juan 15:10

Aririka poetziñaari-kotanee-yaawo pikemijanteero nokanta-yitakiri, ari pinintaa-hae-yaawo netakotzimi, nokimitero naaka nokemijantziri Ashitanari nonintaa-waetawo retakotana.

Juan 15:14

Notsipaminthaperotani eerokapaeni, aririka pantayi-taneero okaatzi nokantzimiri.

Roma-jatzi 7:12

Roo kanteencha iroka Ikantakaan-teetani tajorentsi irika, tampatzikari rirori, kameethari.

Roma-jatzi 7:22

Tema noshireki nokanta-shiretzi: “Kyaariperori iroka Ikantakaantani Tajorentsi.”

Heber-paeni 8:10

Rapiitakiro iñaawaetaki, ikantzi: Iroka owakirari nokashiya-kaakiriri paata icharinitee-yaari Israel: Ari niyoshireta-kaayiteeri kameetha okaate rantayiteeri. Okimiwityaawo nojankina-shiretaa-tyeenirimi Nokanta-kaantani, Naaka ikimita-kaantee Itajorentsite, Riiyitaki nashitee-yaari Naaka.

1 Juan 2:3

Iroka ayotantyaari kyaaryoo-rika ayoteeri Jeepatzii-totaa-rewo: Aririka amonkaata-piinta-neero ikantakaan-teeri.

2 Juan 1:6

Aririka antapiinta-neero ikantakaantani Ashiteeri, aritaki amataneero etakotawakaapiinteeyaa. Rootaki nokanta-kaanta-kimiri panta-piinta-yiteero okaatzi pantayita-nakiri owakira pikemijantan-tanakari.