32 Jiroka Osankinarintsi jiñaanatziri: Ikimitakaitakiri jaayiitziri oijya jowamaitiri. Ikimitakari oijya tii ikaimawaitzi jamiiyiitiri, Ari ikimitakari iijatzi irirori, mairi ikantaka.
Ari ikantzi Jesús: “Ashitanarí, tii jiyotzi oita jantziri kimaatsitakaakinari, pimpiyakotiri”. Ipoña jagaitakiro iithaari Jesús ipawakaakawo, ikimitakaantakiro jiñaaritaita.
Okanta okitiijyitamanai jiñaawairi Juan ikinapai Jesús, ikantzi: “Jirika joijyati Pawa, iri piyakotaironi iyaaripironka atziriiti.
Ari ikantzi Etiopía-jatzi: “¿Tsika onkini nonkimathatiro, tii itzimi iitya yotainawoni? Pimpoki iiroka, pintsipatina”.
Ari osankinatakotaka, kantatsiri: Ari okantaitatyaani jowamaakaantaitina nawintaamachiitaimi iiroka. Ikimitakaantaitakinari piratsi jowamaitziri.
Jiroka kowapirotachari, iro ikamantaitakinari naaka, nokamantakimiro iijatzi iirokaiti: Ikamawintakai Cristo okantakaantziro akaaripirowaitaki, jimonkaatajaantakiro okaatzi ikinkithatakoitakiriri Osankinarintsipiroriki.
Aña iro iriraani Cristo ipinakowintantakairi, ikimitakotakari oijya kaari tzimatsiri iyaaripironka, tikaatsi ikantawaita iwathaki.
